قدّم الفنان صلاح عبد الله الشكر لكل من اهتم بالاتصال به، والاطمئنان على صحته، بعد انتشار شائعة وفاته، خلال الأيام القليلة الماضية. وعبر صفحته الشخصية على موقع التواصل الاجتماعي الفيس بوك، كتب عبد الله: "والله ما عارف أقولكم إيه؟! أنا اللى صَنْعِتى الكلام.. مش لاقي كلام.. نفسى أرد عليكوا واحد واحد.. بينكم ناس من أقرب الأحباب لقلبى.. وناس كل علاقتنا فى التواصل الحميد هنا.. وعايز أقولكوا كلكو.. بحبكم بحبكم بحبكم.. والله حبكم فى القلب فاق كل حد.. وحفضل أحبكم لغاية اللحظة الأخيرة اللى بجد.. ربنا يبارك فيكو ويخليكو ليا ولكل حبايبكو.. أقسم بالله.. مشاعركم النبيلة.. فجّرت جوايا مشاعر عظيمة.. حسّستنى إن حياتى ليها قيمة.. ربنا يسعدكم ويسعد مصر المحروسة وتفضل محروسة بإذن رب العالمين.. آمين".