دافع الفنان محمد رمضان عن بيومي فؤاد ومحمد سلام، ونشر مقطع فيديو عبر حسابه الشخصي على تطبيق تبادل الصور إنستغرام وجه فيه رسالة للجمهور.

واستنكر الفنان محمد رمضان الهجوم الذي وصفه بالقاسي على بيومي فؤاد، والانتقادات التي قال إنها موجهة للفنان محمد سلام.
تعليق محمد رمضان

وقال محمد رمضان: "لكل جمهوري العربي رأس مال أي فنان وأي نجم هو الناس، بنطلب من كل الناس اللي حوالينا ومن حبايبنا إنهم يدعوا إنهم يحبب فينا الناس والجمهور، اللي هو حضراتكم، فشيء صعب جدا إن اللي أنت بتتمنى تسعده هو اللي يكون قاسي عليك".

 وأضاف متحدثاً عن الأزمة التي اشتعلت بين محمد سلام وبيومي فؤاد: "كلامي عن أخواتي وزمايلي وحبايبي بيومي فؤاد ومحمد سلام، لا ده غلط ولا ده غلط.. وحتى لو في زلة لسان حصلت إحنا بنقول للهم لا تؤاخذنا إن نسينا أو أخطأنا يعني حتى لو نسينا ربنا بيسامح".

 وتابع محمد رمضان مطالبا من الجمهور تقليل الهجوم على النجمين: "فعملوا إيه لاتنين علشان نكون قاسيين كدة سواء على محمد سلام أو بيومي فؤاد، والأخبار اللي بسمعها إن شاء الله تكون غلط، إن محمد سلام مش هيشتغل ولا حد هيسمح بده ولا إحنا كفنانين هنسمح بده ولا الجمهور اللي في ضهر أي فنان بيحبه هيسمح بده، ولا إحنا مع اللي بيحصل في بيومي إن هو يقفل الكومنتات علشان ما يشوفش كلام وحش يا ريت نكون أحن من كدة على بعض".

أزمة بيومي فؤاد ومحمد سلام

كان محمد سلام انسحب من عرض زواج اصطناعي، المعروضة ضمن فعاليات موسم الرياض، موضحاً أنه لن يستطيع المشاركة في أي أعمال كوميدية خلال الفترة الحالية في ظل ما تعيشه فلسطين وأهلها، إلا أن ما أشعل الأمر هو تعليق من بيومي فؤاد هاجم فيه محمد سلام بعد العرض المسرحي.

 وقال بيومي فؤاد في كلمته: "من حقك أنك تعتذر عن المسرحية، لكن مش من حقك إنك تغلط في فنك، إحنا مش بنيجي عشان نضحك إحنا بنقدم فننا المصري.. إنتوا بتحترمونا واحنا بنحترمكم جداً، أنا وكل زملائي بنحترمكم وبنحبكم وهنفضل طول عمرنا معاكم، كتر خيركم، إحنا بنقدم فن.. بنتعب ونشقى عشان نقدم فن مش عشان نيجي نضحك".

وأضاف منتقداً موقف محمد سلام ومدافعاً عن نفسه: "لو الموضوع كده يبقى فيه فنانين من أيام نجيب الريحاني لحد محمد أنور المفروض ينتحروا، احنا بنقدم فن، تحياتي لحضراتكم أنا آسف.. أقسم بالله إحنا مش بتوع فلوس والله العظيم مش بتوع فلوس، العرض ده لو قعد 15 يوم تاني بدون أجر، إحنا يبقى لينا الشرف ونبقى فرحانين جداً، تحياتي لحضراتكم وأنا آسف".

وبمجرد تداول مقطع الفيديو الذي ظهر فيه بيومي فؤاد على خشبة المسرح انهالت عليه الانتقادات والتي وصلت حد دعوات لمقاطعة أعماله، ومطعمه، ليبدأ بعض المشاهير في توجيه رسائل دعم لبيومي فؤاد في محاولة منهم لتقليل حدة الهجوم الذي يتعرض له. ومن بين الداعمين كانت الإعلامية الكويتية فجر السعيد.

قد يهمك أيضــــــــــــــــًا :

محمد رمضان ينفعل بسبب غزة ويطالب بشن حرب عربية

محمد رمضان برفقة ساديو ماني وحكيمي في كواليس سحب قرعة أمم أفريقيا