القاهرة ـ سليم إمام
كشفت إدارة أعمال المطربة شيرين عبد الوهاب عن تطورات حالتها الصحية، وأكدت مغادرتها المستشفى بعد الخضوع لعدة فحوصات، وقال مدير أعمالها أنها تحاملت على نفسها من أجل استكمال الحفل، ووجهت شيرين رسالة "عتاب" لكل من جرحها بالكلام عقب سقوطها مساء أمس على مسرح حفلها في دبي.إيهاب صالح مدير أعمال شيرين عبد الوهاب خرج لطمأنة جمهورها عبر حسابه الشخصي بموقع تويتر الذي بات المنصة الرسمية الوحيدة لطرح بيانات شيرين عبد الوهاب بعد السطو على حساباتها الرسمية بمواقع التواصل الاجتماعي، وقال صالح عبر عدة تغريدات: جمهور شيرين، أنا دايما عارف انكم سند و ضهر ليها بس عمري م كنت أتخيل انكم بالحجم و العظمة دي بجد ما شاء الله.وتابع قائلا: عايز اطمنكم إن شيرين بخير وخرجت من المستشفى بعد شوية فحوصات وإشاعات على رجليها بعد م تحاملت على نفسها عشان تكمل الحفل بنجاح. شكرا بجد على كل الحب والدعم ده.
وحاول إيهاب صالح تدارك تصريحات شيرين بحق الشركة المنظمة للحفل واتهامها بالمسؤولية عن الإصابة وقال: شكر كبير جدا الدولة الامارات وامارة دبي علي واحدة من أعظم حفلات شيرين علي الاطلاق وده بشهادة الجمهور العظيم والرهيب إللي كان حاضر إمبارح. وطبعا اكيد حابب اشكر الشركة المنظمة علي التنظيم الرائع و المحترم و كرم الضيافة.
ووعد مدير أعمال شيرين باستمرار تنظيم حفلات غنائية لها وقال: إما بالنسبة للمفاجئات إللي وعدتكم بيها قبل الحفل، خليكم واثقين إن إللي جاي كتير جدا و حفلات في كل حتة إن شاء الله و مش هنهدي بأي شكل عشان شيرين عندها طاقة و حماس ملهمش آخر، وعد مني إن شاء الله نعوضكم.واختتم مدير أعمال شيرين تغريداته قائلا: اخر و أهم حاجة هي للناس إللي بتجرح بالكلام و حديث عن النبي محمد صلى الله عليه وسلم: "لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه".
وجاءت أغلب التعليقات من جمهور شيرين على هيئة نصائح عاجلة لتدارك ما حدث بالأمس، وقالت إحدى المعجبات: خلي شيرين تهتم بمظهرها ده مش لبس يتلبس في حفلة كبيرة بصراحة مش منظر وطريقة الغنا هي ليه بتهرج وبعدين في اغاني حلوة ليها كتير غير الكام اغنية ال الناس زهقت منهم ارجوك حاول تقرا كلامنا مش هتلاقي حد خايف علي شيرين قدنا.
قد يهمك أيضــــــــــــــــًا :
مدير أعمال شيرين عبد الوهاب يكشف سبب غيابها عن السوشيال ميديا