طليقة حسن شاكوش تعلن انتهاء الخلافات بينهما

أعلنت ريم طارق، طليقة مطرب المهرجانات حسن شاكوش، انتهاء الخلافات التي نشبت بين الطرفين خلال الشهور القليلة الماضية، وكانت أزمتهما حديث السوشيال ميديا والبرامج التيلفزيونية على مدار تلك الفترة.

طليقة شاكوش «أخدت كل مستحقاتي»

وأضافت «طارق»، خلال فيديو خاص لبرنامج «دعوة فرح» من تقديم الإعلامية فرح شعبان، والمذاع على شاشة قناة «هى» قائلة: «الحمد لله أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم».

تابعت: «وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع، سواء من أهله أو من أهلي أو مامته، ف حقهم على راسي وكل شىء قسمة ونصيب».

ريم طارق: «شوفت أبشع حاجات ممكن تتخيلوها»

وكانت كشفت ريم طارق زوجة مغني المهرجانات حسن شاكوش عن العديد من التفاصيل والأسرار، حول خلافتهما خلال الفترة الماضية، والتى انتهت بطلاقهما.

وأضافت ريم طارق خلال لقائها ببرنامج «90 دقيقة»، مع الإعلامية بسمة وهبة: «إتحملت ما لا يتحمله حد، وبداية من رابع يوم جواز كل يوم أشوف قصة وموضوع، وكنت مهددة أخرج من البيت معرفش أرجع تاني».

وتابعت: «كانت بينا خلافاتنا زوجية، ولكن كان مش زي خلافات أي اتنين متجوزين، وحسن طيب وابن حلال وجدع وشهم، وعلشان كده وافقت أتجوزه، لكن الصورة حاجة، واللي شوفته في البيت حاجة تانية خالص تماما، شفت أبشع حاجات ممكن أي حد يتخيلها، محدش يقدر يتحملها، والموضوع مش خيانة هو أكبر من الخيانة، وإنسانيا وأخلاقيا ودينيا أنا مش هقول».

وأردفت ريم: «نفسي أتكلم وأقول لكل الناس اللى شوفته، ولكن أنا مش هقدر أعمل كده، ومش هقدر أحكي الموضوع كبير، ومش عايزه أشيل ذنب حد بعد ما أفضحه».

قد يهمك أيضــــــــــــــــًا :

حسن شاكوش يعد جمهوره بعدم الحديث مجدداً عن أزمته العائلية مع زوجته

أول تعليق من حسن شاكوش بعد اتهامات سرقة زوجته