القاهرة - المغرب اليوم
كشف الفنان نضال الشافعي، عن كواليس تجاوزه فترة أحزانه بعد وفاة والدته وزوجته تباعًا، وتأثير دعم من حوله في تجاوز هذه الأحزان.
وقال نضال في ندوة خاصة، لتكريمه عن تميزه بالموسم الدرامي الرمضاني المنقضي: "المخرج الوحيد لي كان لطف ربنا سبحانه وتعالى والشغل.. يعني إن ربنا يرزقك بشغل يخدك شوية بعيدًا عن حياتك وعيشتك وتفاصيلك فتعرف تتنفس وتعيد ترتيب نفسك وترتيب أوراقك.. لا قدر الله لو ما كانش ده حصل أنا ما عرفش حالتي النفسية هتبقى عاملة إزاي دلوقتي والتفكير هياخدني لفين".
وتابع نضال الشافعي: "الشغل أحسن علاج للبني آدم في الظروف اللي زي دي.. وربنا أنعم علينا كممثلين بإننا نعيش حيوات أخرى بشخصيات تانية في أعمالنا فده بيعمل لنا نوع من أنواع العلاج النفسي وأنا في المعهد درست السايكو دراما اللي بتعتبر نوع من أنواع التفريغ النفسي للممثل".
نضال الشافعي: ربنا أكرمني بناس وقفوا بجواري
واستطرد قائلاً: "وأنا شغال بيكون عندي أهداف واضحة هي إزاي أسعد أمي وزوجتي الله يرحمهم.. وده هيحصل لما يشوفوني باخد خطوة لقدام وأبقى واقف جنب ولادي بشكل أفضل".
وحول السند والداعم له في تلك الفترة، قال نضال الشافعي: "ربنا سبحانه وتعالى هو السند قبل أي حد هو كان أحسن سند للبني آدم وهو كرمني بناس كتير وقفوا جنبي وسخرهم لي إنهم يبقوا رحماء بالواحد ولطفاء".
قد يهمك أيضــــــــــــــا
الفنان نضال الشافعي يعلن وفاة والدته بعد تعرضها لأزمة صحية خلال الأيام القليلة الماضية